Policia e Kosovës ka njoftuar se ka arrestuar tre persona të dyshuar për veprën penale “rrëmbim në tentativë”, transmeton Fol Drejt.
“Sot nga zyrtarët policor të Fushë Kosovës, janë arrestuar tre persona të dyshuar për veprën rrëmbim në tentativë.
Arrestimi i të dyshuarve:
– G.M, mashkull 18 vjeç, shtetas i Republikës së Kosovës,
– E.C, mashkull 23 vjeç, shtetas i Republikës së Kosovës dhe
– D.Xh mashkull 17 vjeç, shtetas i Republikës së Kosovës,
ka ardhur si rezultat i një pune të shkëlqyer hetimore të cilën zyrtarët policor të Fushë Kosovës, e kanë realizuar menjëherë pas denoncimit të rastit.”, shkruan në komunikatën e policisë.
Policia njoftoi se personave të dyshuar u janë gjetur dhe sekuestruar:
-dy thika
-mulli për bluarjen e narkotikëve
– pranga etj.
Aktualisht hetuesit policor në koordinim me prokurorin e shtetit, janë duke kryer veprimet e nevojshme procedurale, ndërkohë që personat e dyshuar janë dërguar në mbajtje. /FolDrejt/
