Në Prizren është arrestuar një person pasi gjatë bastisjes policia gjeti në shtëpinë e tij kokainë, marihuanë, grinder-mulli për bluarje të marihuanës, pushkë ajrore, municion, peshore digjitale e gjëra të tjera.
“Është arrestuar i dyshuari mashkull kosovar për shkak se njësitë relevante të policisë gjatë bastisjes në shtëpinë e tij kanë gjete dhe sekuestruar: 27 qese paketime me gjithsejtë 18.36 gram substanca të dyshuara narkotike të llojit kokainë, 10 gram substanca të dyshuara narkotike të llojit marihuanë, një grinder – mulli për bluarjen e marihuanës, një pushkë ajrore me një kuti municion për të, një peshore digjitale, një DVR, një motoçikletë, një telefon celular dhe disa pajisje tjera si rollne najloni dhe alumini. I dyshuari pas intervistimit me vendim të prokurorit është dërguar në mbajtje, rasti vazhdon të hetohet”, thuhet në raportin 24 orësh të policisë së Kosovës, transmeton Fol Drejt.
