Më 22 maj 2023 ishte arrestuar një i dyshuar për ‘falsifikim të parave’ dhe ishin sekuestruar 94 copë kartëmonedhe me ‘vlerë’ nga 50 euro (94 x 50 = 4700), të cilat dyshohej se ishin të falsifikuara, transmeton Fol Drejt.
Gjatë hetimit e trajtimit të rastit të lartcekur, hetuesit policorë janë vënë në kërkim edhe të personave tjerë të dyshuar për përfshirje në veprën penale të lartpërmendur.
Sot, më 17.06.2023, në Pikën e Kalimit Kufitar në Vërmicë, në ora 02:00 është ndaluar i dyshuari: R.N., (viti i lindjes 1990, mashkull shtetas i Shqipërisë).
I njëjti dyshohet dhe ka qenë në kërkim policor lidhur me rastin e datës 22 maj 2023.
Ndaj të njëjtit është iniciuar rasti ‘falsifikimi i parave’ dhe pas intervistimit në prezencën e avokatit mbrojtës, me aktvendim të prokurorit, është dërguar në mbajtje deri në 48 orë./FolDrejt/
