Kreu i Coca-Cola greke Alki David është arrestuar në St Kitts, së bashku me partnerin e tij të biznesit miliarder pasi në avionin privat iu gjetën kanabis në bord me vlerë 1.3 milionë dollarë.
David, 50 vjeç, dhe Chase Ergen, thuhet se kanë transportuar rreth 5,000 rrënjë kanabis si pjesë e biznesit të tyre të ri, për ‘zhvillimin e bizneseve ligjore të kanabisit në rajon’. Por u ndaluan nga zyrtarët e doganave pas uljes së avionit dhe thanë se ishin mbajtur për tetë orë përpara se të liroheshin dhe pastaj të arrestoheshin pasi u përpoqën të largoheshin më vonë nga ishulli.
Biznesi familjar i Davidit është grupi “Leventis-David”, i cili zotëron fabrikat e Coca-Colas greke. Besohet se ata donin të kultivonin bimë kërpi, fara kërpi dhe produkte të tjera, si pjesë e sipërmarrjes së tyre të re. Përveç që është themeluesi i FilmOn.TV dhe Hologram USA, David gjithashtu ka një biznes që merret me shitjen e vajit të kanabisit, të cilin e tregton si substancë kuruese për disa sëmundje.
Një deklaratë nga të dy të arrestuarit, ata thanë se po punonin për të siguruar që ishulli të merr vendin e duhur si një lider në industrinë e kërpit ligjor CBD.
“Synimi ynë është të punojmë me qeverinë, gjykatat, bankat, sektorin e biznesit dhe fermerët për të zhvilluar një sistem të drejtë që krijon mijëra vende pune në ishull dhe përdor rrjetin ndërkombëtar të shpërndarjes së Swissx për të bërë kanabisin e Shën Kitts Nevis, produktin e midis më të kërkuarve në botë.
Është qëllimi ynë që së shpejti të shohim një rritje në GDP e vendit dhe nga kjo do të përfitojë të gjithë. Është një iniciativë e zhvillimit ekonomik”, thanë ata./tch
