Menaxheri i Arsenalit, Mikel Arteta thotë se do t’i duhet kohë për të parë se ku i përshtatet skuadrës së tij nënshkrimi i verës prej 65 milionë funte, Kai Havertz, shkruan BBC sport, transmeton Fol Drejt.
Sulmuesi gjerman bëri debutimin e tij si zëvendësues në miqësoren parasezonale 1-1 të Arsenalit me Nuremberg të enjten.
Arteta tha se “koha do ta tregojë” ku Havertz, i cili u bashkua nga rivalët londinez Chelsea në qershor, do të ishte më i përshtatshmi për të luajtur.
“Duhet të shohim se si ai përshtatet dhe padyshim të njihemi dhe të ndërtojmë marrëdhënie”, tha Arteta.
“Futbolli ka të bëjë me këtë dhe koha do të tregojë se ku përshtatet më mirë”.
Bukayo Saka hapi rezultatin në minutën e shtatë në stadiumin Max Morlock, përpara se Jorginho të shënonte një autogol të çuditshëm nga 35 metra për t’i dhënë barazimin mikpritësve të Bundesligës./FolDrejt/
