Autoritetet ruse po mobilizojnë burra nga grupet më të cenueshme të vendit për të luftuar në Ukrainë, sipas një raporti.
Zyrtarët në Moskë kanë marrë burra nga qendrat e bamirësisë për të pastrehët dhe nevojtarët, si dhe nga bujtina ku jetojnë emigrantët e punës, ka cituar Moscow Times një raport nga uebfaqja e pavarur e lajmeve Mediazona, shkruan The Guardian.
Dhjetra burra të pastrehë janë nxjerrë nga rrugët dhe janë sjellë në zyrat e regjistrimit ushtarak në javët që kur Presidenti Vladimir Putin shpalli një mobilizim “të pjesshëm”, sipas një grupi që shpërndan ushqim për komunitetin e të pastrehëve të kryeqytetit.
Një burim i tha Mediazona:
Policia vjen këtu pa pyetur njeri. Ata shohin një radhë njerëzish që presin ushqim – dhe më pas i kapin për qafe, kundër dëshirës së tyre.
Burrat më pas ngarkohen në autobusë dhe transportohen në zyrat e regjistrimit ushtarak, tha burimi./FolDrejt/
