Austria i ka dhuruar 33 gjeneratorë të benzinës Shërbimit Shtetëror të Emergjencave të Ukrainës, transmeton Ukrinform, përcjell Fol Drejt.
“Tridhjetë e tre gjeneratorë benzine për shpëtimtarët ukrainas kanë mbërritur së fundi nga Austria. Pajisjet, me vlerë gjithsej 91,000 euro, u dorëzuan nga departamenti i situatave të krizave, menaxhimit të fatkeqësive dhe mbrojtjes civile i Ministrisë së Brendshme austriake falë Mekanizmit të Mbrojtjes Civile të BE-së. ”, thuhet në njoftim.
Ai shtoi se gjeneratorët 9 deri në 80 kW do të përdoren për të fuqizuar “pikat e pathyeshmërisë” — tenda me ngrohje ku njerëzit mund të karikojnë telefonat e tyre, të ngrohen ose të kenë qasje në internet — dhe për të siguruar energji elektrike për ndërtesa të tëra. /FolDrejt/
