Policia italiane ka problem që ta identifikojë pronarin e një superjahti të lidhur me presidentin rus Vladimir Putinin, me shqetësimin se mund të largohet nga një port detar në Tuskanë.
Sheherazade, që thuhet se ka vlerë 700 milionë dollarë, ka qenë nën hetim që nga marsi për lidhje të mundshme me rusët e sanksionuar, përfshirë Putinin, për shkak të luftës në Ukrainë, shkruan The Guardian.
Ka shqetësime se Sheherazade mund të jetë duke u përgatitur të largohet, pas një raportimi të New York Times se ajo ishte zhvendosur në ujë të martën.
Marianna Ferrante, drejtoresha e marketingut të kompanisë, tha: “Puna e mirëmbajtjes po përparon dhe nuk ka nisje të planifikuara së shpejti.”
Kompania “Italian Sea Group” fillimisht tha se riparimi prej 6 milionë euro do të përfundonte në fillim të vitit 2023. Jahti thuhet se është i pajisur me një banjë, pishina, dy platforma helikopterësh, një oxhak me djegie druri, e të tjera.
Policia sekuestroi dokumente pronësie nga kapiteni britanik i jahtit, Guy Bennett-Pearce në mars. Në atë kohë, zyrtarët amerikanë thanë se po hetonin gjithashtu nëse jahti i përkiste Putinit.
Ndërsa aktivistët që punojnë me liderin e burgosur të opozitës ruse Alexei Navalny kanë pohuar gjithashtu se Putin është pronari.
Anija nuk është sekuestruar dhe derisa pronari i saj të identifikohet dhe nëse është e nevojshme të vendoset nën sanksione, anija është e lirë të largohet nga Marina di Carrara.
Një hulumitim nga gazeta “La Stampa” në mars e lidhi Scheherazade me Eduard Yurievich Khudainatov, ish-presidentin e firmës shtetërore ruse të naftës Rosneft, nëpërmjet një kompanie guaskë të regjistruar në Ishujt Marshall. Khudainatov nuk është në listën e sanksioneve.
