Avokati i familjes së Marigona Osmanit, Gazmend Rexhepi, ka thënë se do të paraqesin ankesë ndaj vendimit për Arbër Sejdiun, i cili u dënua me vetëm 15 vjet burg.
Rexhepi tha se që të dy të akuzuarit e meritojnë dënimin me burgim të përjetshëm.
“Sigurisht ne do paraqesim ankesën, që të dytë të akuzuarit e meritojnë burgimin e përjetshëm”.
“Vrasja e Marigonës është ndër më të rënda pas luftës. Por edhe për ndryshim të kualifikim për ‘ndihmë’, konsideroj se i akuzuari i dytë jo ‘ndihmë’ por ka qenë i kyçur në bashkëkryerje në vrasjen e Marigonës”, ka thënë Rexhepi.
Kujtojmë se sot, Gjykata Themelore në Ferizaj dënoi me burgim të përjetshëm Dardan Krivaqën, ndërkaq Arbër Sejdiu u dënua me 15 vjet burg.