Babai i nxënësit Kosta Keçmanoviq nga shkolla fillore “Vladislav Ribnikar”, i cili dyshohet se dje ka vrarë tetë nxënës, një roje dhe ka plagosur shtatë persona, ka konfirmuar se kishte patentë për armën që djali i tij e përdori për aktin e përgjakshëm, shkruan Klix, përcjell Fol Drejt.
Babai i tij gjatë seancës tha se në kasafortë mbante pushkë dhe pistoleta, se gjithçka ishte e koduar dhe se nuk e dinte se si e mori vesh djali.
Sipas mediave serbe, ai ka pranuar se djalin e ka marrë në poligon në moshën 12-vjeçare. Babai tha se djali i tij ndihej i refuzuar, por nuk vuri re asgjë.
Mediat theksojnë gjithashtu se ai ka thënë se djali i tij i ka thënë se nuk i përshtatet shoqërisë.
Siç deklaroi dje shefi i policisë së Beogradit, Veselin Miliq, djali në një intervistë në prani të Qendrës për Punë Sociale deklaroi se ishte injoruar nga shoqëria në të cilën ndodhej dhe se gjatë gjithë jetës së tij shoqërore ishte i izoluar nga komunikimi dhe loja në pushime apo ekskursione, dhe se kjo e shtyu atë ta bënte atë përmes mendimeve dhe veprimeve të tij. /FolDrejt/
