Sulmuesi i Brescias Mario Balotelli tregoj se do të dëshironte të luante për skuadrën e Serie A, Napoli.
Balotelli u bashkua me klubin e vendlindjes Brescia në gusht të vitit të kaluar, por u lidh me një transferim te Napoli.
Ish sulmuesi i Milanit, Interit dhe Liverpoolit tha se ai u përpoq të bashkohej me Napolin dhe sugjeroi që ai akoma do të donte një transferim në ‘Stadio San Paolo’.
“E provova (për t’u bashkuar me Napoli),” i tha Balotelli Fabio Cannavaros gjatë një bisede në Instagram të hënën.
“Do të beja qejf në Napoli. Do ta bëja vajzën time kryetare të ultrasve. Ajo është tifoze e Napolit.
“Unë i këndoj asaj, ‘Brescia, Brescia’, por ajo vazhdon të mbështesë Napolin. Ajo ishte shumë e lumtur kur e çova në San Paolo, ajo ishte mahnitur nga atmosfera në stadium.
“Gjithmonë është një emocion i mirë të jesh në San Paolo, megjithëse për mendimin tim stadiumi më i bukur është San Siro”.
Balotelli kishte shënuar pesë gola në 19 ndeshje të Serisë A këtë sezon derisa sezoni u pezullua për shkak të pandemisë koronavirus.
