Donika Gërvalla ka kërkuar nga bashkësia ndërkombëtare që t’i vendos sanksione Serbisë, shkruan Fol Drejt.
Ministrja e Jashtme e Kosovës, Gërvalla, këtë deklaratë e ka thënë sot nga Tirana, gjatë një prononcimi para mediave.
“Gjermania është një nga mbështetësit kryesorë të Kosovës. ShBA-të, Mbretëria e Bashkuar, shumë shtete të BE-së janë të shqetësuara për ngjarjet në Kosovë, sulmin në Veri, i cili po të mos ishte ndalur, sot do të kishim territor të pushtuar dhe biseda të tjera. Është e rëndësishme të kuptohet mesazhi dhe të merren të gjitha masat që një gjë e tillë të mos përsëritet as në Kosovë dhe as vendet e tjera që kanë probleme me Serbinë, e cila sillet si një mini Rusi e vogël dhe mendon se ato vende nuk kanë të drejtat e tyre”, ka thënë ajo.
Gërvalla ka thënë se tani për tani prioritet për Kosovën është siguria, e për t’i ulur tensionet si mekanizëm mbetet dialogu ndërmjet palëve, megjithatë sipas saj, Serbia nuk duhet të mbetet pa u sanksionuar.
Për më shumë ajo ka thënë se pa sanksione Serbia “nuk do të marr mësim”./FolDrejt/
