Kryetari i Komisionit të Bashkimit Afrikan, Moussa Faki Mahamat, ka mbështetur vendimin e Komunitetit Ekonomik të Shteteve të Afrikës Perëndimore (ECOWAS) për të nisur një operacion ushtarak në Niger, thuhet në deklaratën e publikuar në faqen e internetit të Bashkimit Afrikan, shkruan TASS.
Mahamat shprehu shqetësimin për situatën në Niger dhe bëri thirrje për “lirimin e menjëhershëm” të presidentit Mohamed Bazoum, familjes së tij dhe anëtarëve të qeverisë, duke thënë se kushtet e ndalimit të tyre “të këqija”.
Presidenti i Bregut të Fildishtë, Alassane Ouattara tha më herët në kthimin e tij nga samiti në Abuja më 10 gusht se udhëheqësit e ECOWAS kishin rënë dakord të nisnin një operacion ushtarak në Niger “sa më shpejt të ishte e mundur”.
Agjencia e lajmeve AFP e citoi atë të thoshte se shefat e shtabit do të zhvillonin disa takime të tjera për të finalizuar detajet. Ouattara theksoi se Bregu i Fildishtë do të kontribuojë me një batalion prej 850 dhe 1,100 burrash për operacionin dhe se Benini, Nigeria dhe vende të tjera do të marrin pjesë gjithashtu.
Agjencia Associated Press raportoi të njëjtën ditë se liderët e ushtrisë në Niger dyshohet se i kishin thënë Zëvendës Sekretares së Shtetit të SHBA-së, Victoria Nuland, se ata synonin të vrisnin presidentin e rrëzuar të vendit, Mohamed Bazoum, nëse shtetet fqinje nisin një ndërhyrje ushtarake në një përpjekje për të rivendoseni atë.
Në fund të korrikut, një grup oficerësh ushtarakë nga Garda Presidenciale e Nigerit rebeluan dhe njoftuan largimin e Presidentit Bazoum. Për të qeverisur vendin u formua Këshilli Kombëtar për Mbrojtjen e Atdheut, i udhëhequr nga komandanti i gardës, Abdourahmane Tchiani.
Bazoum mbetet në paraburgim në rezidencën e tij.
