Sipas zëdhënësit të Komisionit Evropian, e vetmja mënyrë për zgjidhjen e mosmarrëveshjes është dialogu, ndërsa potencoi se janë në kontakt të ngushtë me Kosovën dhe Serbinë për de-eskalimin e tensionit.
Bashkimit Evropian (BE) ndjek me shqetësim zhvillimet në veri të Kosovës, duke ftuar palët në Bruksel për të zhvilluar bisedime, shkruan AA, transmeton Fol Drejt.
Peter Stano, një nga zëdhënësit e Komisionit Evropian, në konferencën e përditshme për media të mbajtur në Bruksel, komentoi ngjarjet e mbrëmshme në Kosovë.
“BE dhe vendet anëtare posaçërisht jemi duke ndjekur nga shumë afër dhe me shqetësim ngjarjet dhe zhvillimet në veri të Kosovës”, tha ai duke tërhequr vëmendje se të gjithë duhet të ruajnë qetësinë.
Stano tha se çdo veprim i pakoordinuar dhe i njëanshëm që rrezikon stabilitetin dhe sigurinë dhe pengon lirinë e lëvizjes së të gjithë qytetarëve duhet të ndalet menjëherë.
Sipas tij, e vetmja mënyrë për zgjidhjen e mosmarrëveshjes është dialogu, ndërsa potencoi se janë në kontakt të ngushtë me Kosovën dhe Serbinë për de-eskalimin e tensionit. Ai në të njëjtën kohë pohoi se janë në bashkëpunim me partnerët ndërkombëtarë si NATO dhe SHBA.
Siç theksoi zëdhënësi Stano, Shefi i politikës së jashtme të BE-së, Josep Borrell, ka zhvilluar bisedime me palët, duke shtuar se Kosova ka pranuar shtyrjen e masave që shkaktuan fillimin e tensioneve të fundit me thirrjen e Borrell-it dhe SHBA-së.
Stano theksi se të gjithë problemet mes Serbisë dhe Kosovës duhet të trajtohen me dialogun nën ndërmjetësimin e BE-së. “BE ftoi të dyja palët të takohen në Bruksel për të diskutuar mënyrat për të gjetur një zgjidhje dhe për të parandaluar rishfaqjen e tensioneve të tilla”, u shpreh ai./FolDrejt/
