Në një takim disaorësh, ministrat e Jashtëm të vendeve anëtare të BE-së diskutojnë për fatin e vendeve aspirante, duke u kushtuar vëmendje më të madhe Maqedonisë së Veriut dhe Shqipërisë. Përfundimet e takimit do të mësohen në një konferencë të paralajmëruar për media kurse vendimi përfundimtar i Këshillit Evropian do të merret në datën 20 dhe 21 qershor.
Mediat e huaja që një ditë më parë kanë publikuar mundësinë e kthesës së debatit në këtë takim me vendimin që rasti i Maqedonisë së Veriut dhe ai i Shqipërisë të ndahen. Media zviceriane “Tagesancajger” shkruan se “shtyerja eventuale e bisedimeve do të jetë veçanërisht e hidhur për Maqedoninë e Veriut”. Kurse, portali gjerman “Euroaktiv” shkruan se “në këtë takim po planifikohet dritë e gjelbër për Maqedoninë e Veriut dhe e kuqe për Shqipërinë”. Megjithatë, datë konkrete për asnjërin nga vendet nuk mund të ketë pa vendimin e Bundestagut në të cilin, siç është bërë e ditur, rasti i Maqedonisë së Veriut nuk do të diskutohet deri në shtator. Ministri i Jashtëm gjerman, Mihajl Rot, para fillimit të takimit kërkoi kohë për Bundestagun por duke mos dëmtuar kredibilitetin e BE-së në sytë e vendeve të cilave u është premtuar shpërblim për reformat e kryera.
Kuptoj se janë çështje të rëndësishme për vendet anëtare por duhet t’i japim Bundestagut kohën e nevojshme. Shpresoj në vendim pozitiv sa më shpejtë që është e mundur, më së voni në tetor. Qëndrimi jonë është që sa më shpejtë të përgatitemi për fillimin e negociatave. Në pyetje janë negociata të vështira dhe të gjata por bëhet fjalë për kredibilitetin e BE-së dhe stabilitetin e demorkacisë, sundimin e së drejtës dhe lirinë e mediave në këto dy vende, gjëra të cilat s’do të funksionojnë pa BE-në.”-theksoi Mihael Rot, ministër i Jashtëm i Gjermanisë.
Në draft-konkluzionin e një dite më parë në nivel të ambasadorëve të vendeve anëtare të BE-së u shty edhe në letër afati i paraparë për marrjen e vendimit.
Draft-përfundimet e takimit të ambasadorëve
Duke pasur parasysh kohën e kufizuar në dispozicion dhe rëndësinë e çështjes, Këshilli do t’i kthehet temës me qëllim të arritjes së vendimeve të rëndësishme sa më shpejtë që të jetë e mundur por jo më vonë se në tetor të vitit 2019.”
Një vendim për dhënien e datës konkrete për fillim të negociatave nuk mund të merret pa pëlqimin e të gjithë vendeve anëtare. Përveç qershorit dhe korrikut, mundësi tjetër për Këshillin Evropian për dhënien e datës është edhe tetori. Qeveria në Shkup shpreson që negociatat të fillojnë brenda vitit.
