Bashkimi Evropian ka miratuar një paketë të dhjetë sanksionesh kundër Rusisë në përvjetorin e një viti të pushtimit të plotë të Ukrainës nga Moska, thanë zyrtarët e BE-së, njofton Al Jazeera, transmeton Fol Drejt.
Raundi i fundit i sanksioneve parashikon kufizime shtesë tregtare ndaj Rusisë, njoftoi Presidenca suedeze e Këshillit të BE-së në Bruksel të premten mbrëma, dhe janë të dizajnuara për të bërë financimin e luftës më të vështirë si dhe për të uritur Rusinë për pajisje teknologjike dhe pjesë këmbimi për armët e përdorura kundër Ukrainë.
Paketa përfshin kufizime më të forta të eksportit në lidhje me mallrat me përdorim të dyfishtë, si dhe masa kundër subjekteve që mbështesin luftën e Rusisë, duke përfshirë përhapjen e propagandës në mbështetje të pushtimit dhe dërgimin e dronëve të përdorur nga Rusia për të sulmuar Ukrainën.
“Së bashku, vendet anëtare të BE-së kanë vendosur sanksionet më të forta dhe më të gjera ndonjëherë për të ndihmuar Ukrainën të fitojë luftën”, njoftoi presidenca e BE-së në Twitter.
“BE qëndron e bashkuar me Ukrainën dhe popullin ukrainas. Ne do të vazhdojmë të mbështesim Ukrainën, për aq kohë sa të duhet.”/FolDrejt/
