Presidenti i Shqipërisë, Bajram Begaj është takuar sot me presidentin e Austrisë, Alexander Van der Bellen, ku pas takimit iu drejtua mediave duke thënë se në asnjë rrethanë nuk do ta pranonte ekzistencën e Republikës Sërpska në Kosovë, përcjell Fol Drejt.
Në asnjë rast, në asnjë kusht, si president i Republikës së Shqipërisë, nuk do të pranoja që në Kosovë të ekzistojë Republika Sërpska”, tha ndër të tjera Begaj në fjalimin e tij pas takimit me Van der Bellen.
Ai theksoi se as Amerika nuk e përkrah këtë opsion.
Ai shtoi se beson se vetëqeverisja në kuadër të asaj marrëveshjeje, krahas të drejtave të komuniteteve sipas Kushtetutës së Kosovës, do të jetë zgjidhja e duhur.
Kolegu i tij nga Austria tha se dialogu Beograd-Prishtinë është prioritet dhe theksoi se ata janë të vetëdijshëm se pa marrëveshje nuk mund të jenë pjesë e BE-së.
“Unë e mbështes atë që tha presidenti Begaj. Siç e dini, në fakt është bërë një lloj marrëveshjeje, por pa nënshkrimin zyrtar të pjesëmarrësve”, ka thënë Bellen.
Ai shtoi se në Alpbach të Austrisë ka parë nga afër presidentin serb Aleksandër Vuçiq dhe më pas presidentin e Kosovës Hashim Thaçi, të cilët po bisedonin së bashku.
Që atëherë është bërë një lëvizje e madhe sepse kanë biseduar drejtpërdrejt me njëri-tjetrin, edhe pse nuk ka pasur rezultate konkrete, por palët kanë biseduar”, tha ai.
Sipas Van der Bellen, dialogu ndërmjet Beogradit dhe Prishtinës është sigurisht i vështirë, por ata janë të vetëdijshëm se pa marrëveshje nuk do të kenë të ardhme në BE. /FolDrejt/
