Kompania Apple gjatë eventit të saj vjetor në Kalifornia të SHBA-së ka zbuluar produktet e reja, përfshirë iPhone 15, Serinë 9 të Apple Watch dhe karikuesin USB-C.
Përmirësimi kryesor i Apple Watch, i njohur si Seria 9, vjen nga një çip përpunues i sapozhvilluar i quajtur S9-Sip, i prezantuar nga kompania për ofrimin e shpejtësisë superiore në krahasim me atë të prezantuar në vitin 2020, shkruan AA, përcjell Fol Drejt.
Për sa i përket estetikës, Seria 9 do të ruajë dizajnin e njohur, por do të paraqesë opsione të ri-pajisura të ngjyrave si rozë, dritë yjesh dhe argjend.
Përveç kësaj, Seria 9 do të paraqesë një veçori të re të quajtur “prekje e dyfishtë” (double tap), e cila do t’u mundësojë përdoruesve t’u përgjigjen thirrjeve duke prekur ekranin me dy gishta njëkohësisht.
Zv/presidentja e Mjedisit, Politikave dhe Nismave Sociale në kompaninë Apple, Lisa Jackson, tha se Seria 9 e Apple Watch do të jetë “produkti i parë me karbon neutral”. Çmimi është vendosur në 399 dollarë dhe do të jetë në dispozicion më 22 shtator.
Po ashtu në eventin vjetor u prezantua një grup telefonash iPhone-ve të rinj, respektivisht iPhone 15, iPhone 15 Plus, iPhone 15 Pro dhe iPhone 15 Pro Max.
Modeli bazë, iPhone 15, do të fillojë me çmimin 799 dollarë, iPhone 15 Plus do të ketë çmimin fillestar prej 899 dollarë dhe ato do të jenë në dispozicion më 22 shtator.
Kompania Apple prezantoi edhe karikuesin e saj të ri USB-C, që nënkupton kalimin e të gjithë telefonave iPhone të rinj nga karikimi Lightning në USB-C, me qëllim për të përmbushur rregulloret e Bashkimit Evropian (BE) për karikues të përbashkët.
Kompania gjithashtu theksoi planin e saj për të arritur neutralitetin e karbonit duke transportuar produkte përmes mallrave oqeanike dhe duke përdorur kreditë e karbonit për të kompensuar çdo emetim të mbetur./FolDrejt/
