Nënkryetari i Listës Serbe, Milan Radoiçiq, ka reaguar pas takimit të mbrëmshëm të Brukselit ndërmjet Kryeministrit të Republikës së Kosovës Albin Kurti dhe Presidentit të Serbisë Aleksandër Vuçiq. Në një adresim publik ai i ka thënë Kryeministrit Kurti se ai nuk mund t’i tremb popullin serb dhe Listën Serbe, shkruan Danas, transmeton Fol Drejt.
“Kërcënimi që e dërguat nga Brukseli për Listën Serbe dhe në radhë të parë popullit serb, tregon qartë se ju Albin Kurti nuk doni dialog, nuk doni paqe, doni konflikte dhe hakmarrje ndaj atyre që nuk mund t’i blini apo shkatërroni. Prandaj sot ju e tregoni nervozizmin dhe fytyrën tuaj të vërtetë para syve të gjithë komunitetit ndërkombëtar”, thotë Radoiçiq.
Ai shton se “99,9% e popullit serb vendosi të mos shkojë në zgjedhje nën presionin e çizmeve të forcave speciale tuaja, të cilat kanë gjakun e serbëve të pushkatuar dhe rrahur, dhe Lista Serbe e ka kundërshtuar atë vendim sepse ka qenë dhe do të jetë gjithmonë me popullin”.
“Me këtë rast, të vetëdijshëm se kërcënimi juaj nuk është naiv sepse në periudhën e kaluar keni treguar se mund të shkaktoni kaos, të nxisni konflikte dhe urrejtje, të abuzoni me institucionet dhe t’i përdorni ato për të persekutuar serbët pa asnjë provë, dua t’ju them se ju, nuk na trembi as sadopak, as popullin serb, as Listën Serbe. Se ju jeni vetëm një pushtues tjetër që mendon se mund ta nënshtrojë popullin serb me dhunë, por kini parasysh se ne jemi më shumë sesa mund të arrestoni”, thotë Radoiçiq.
Nënkryetari i SL i thotë Kurtit se është “pushtues”.
“Albin Kurti, ti si të gjithë pushtuesit, mund të bësh si të duash, por jo sa të duash. Koha do të tregojë se kush do të pësojë dhe do të paguajë në fund. Rroftë Serbia! Rroftë populli serb!”, thuhet në deklaratën e publikuar në faqen e Listës Serbe në Facebook./FolDrejt/
