Detergjentin e lëngshëm për larjen e rrobave shumëngjyrëshe mund ta zëvendësoni me një version më ekonomik, të cilin mund ta përgatisni në shtëpi në 10 minuta. Gjithçka që ju nevojitet është ujë, sodë buke dhe sapun për larjen e duarve, transmeton Klix, përcjell Fol Drejt.
Gjëja e parë që do të bëni është të hidhni 1.5 litër ujë në një tenxhere dhe ta zieni. Gjatë kësaj kohe, fërkoni në brinjë 50 gramë sapun për larjen e duarve. E shtojmë kur uji të vlojë dhe e përziejmë derisa të shkrihet plotësisht.
Kur sapuni të shkrihet, lëreni masën të ftohet pak dhe më pas shtoni dy lugë sodë buke. Përziejini sërish derisa përbërësit të bashkohen.
Pasi të keni përfunduar këtë hap, transferojeni përzierjen në enën në të cilën do të ruani detergjentin. Mos u shqetësoni nëse përzierja nuk është e trashë, sepse duhen disa orë për të arritur densitetin e një xheli standard për rroba me ngjyrë.
Kur dëshironi ta përdorni, hiqeni me një lugë detergjenti. Rekomandohet të mos e mbipopulloni kazanin e makinës me rroba në mënyrë që ato të lahen sa më mirë. Kjo sasi duhet të jetë e mjaftueshme për rreth 25 larje. /FolDrejt/
