Sali Berisha kritikon ashpër Hashim Thaçin për idenë e ndarjes së Kosovës, shkruan foldrejt.com.
STANDARD: Javën e kaluar Kosova dhe Shqipëria kanë nënshkruar lehtësimin doganor. A është ky një sinjal drejt Shqipërisë së madhe?
Berisha: Bashkëpunimi mes Shqipërisë dhe Kosovës është i rëndësishëm, por kryeministri Edi Rama tenton të përdorë Kosovën, për të bërë presion mbi BE-në, kjo është gabim dhe i dëmshëm. Ai thotë, nëse nuk ka integrim të Shqipërisë në BE, atëherë do bashkohet Shqipëria me Kosovën. Kjo nuk ndihmon Shqipërinë, që të hapet negociatat (me BE-në – SHP: foldrejt.com).
STANDARD: Ka disa tentime për të ndarë Kosovën. Presidenti serb Aleksandër Vucic dhe Thaçi kërkojnë shkëmbimin e territoreve mes fshatrave serbë të Kosovës që do i bashkohen Serbisë dhe fshatrave shqiptarë në Serbi ti bashkohen Kosovës. Cilat janë pasojat?
Berisha: Ky ndryshim i kufijve, territoreve dhe ndarjeve nuk është asnjë ide tjetër përveç idesë së Serbisë së madhe. Kjo fillon në Mitrovicë në Kosovë dhe shkon deri në Bosnjë. Serbia e madhe në këto rajone ishte çdoherë një burim jo-stabiliteti, luftrash dhe konfliktesh. Nëse pra ne ndjekim këtë ide të ndryshimit të kufijve, atëherë absolutisht do kemi konflikte të pastrimit dhe krijimin e shteteve të pastra etnike. Në rajon nuk janë minoritetet problem, por e kundërta: shumica është problemi. Problem nuk janë banorët e Mitrovicës, por bandat e Mitrovicës, të cilët qëndrojnë në lidhje me politikanët e Beogradit dhe politikanët shqiptarë. Mafia nuk ka baba. Këta persona trafikojnë dhe diktojnë. Në këtë formë tentojnë që shumicën e problemeve të tyre ta zhvendosin drejt minoriteteve.
STANDARD: Çmendoni për Komunitetin Ndërkombëtar?
Berisha: Ka persona në BE që ndarjen e Kosovës e shohin si të ashtuquajtur zgjidhjen “më të lehtë”. Por kjo mund të sjell kosto të lartë. Nëse Komuniteti Ndërkombëtar mendon që ka ardhur koha që të vihet dorë mbi kufijtë e Ballkanit, atëherë duhet të thirret një konferencë ndërkombëtare dhe të caktohen kufijtë e ri. Por të mendosh, që Thaçi dhe Vucic mund të ndryshojnë kufijtë, kjo nuk është ide e mirë. Thaçi po bie pre e Vucic dhe flamurit të Serbisë së madhe. Thaçi nuk ka asnjë mbështetje në Kosovë. Nuk ka asnjë parti politike dhe asnjë institucion, përveç presidencës, që qëndron pas kësaj iniciative 30 vjeçare serbe. Thaçi tenton ta shesë një projekt si shqiptar, që gjithmonë ka qenë serbë.
Të huajt që mbështesin idenë e ndarjes, janë persona të cilët nuk e njohin mirë rajonin. Ata mendojnë se kur të dyja palët janë dakort me shkëmbimin, atëherë ne nuk duhet ti kundërshtojmë. Të dytët janë lobistë të paguar nga Serbia, e cila shpenzon mjaft shumë për të gjetur hapësirë kjo ide. Persona që mbështein shkëmbimin e territoreve si Federica Mogherini – që sipas gjitha gjasave është totalisht pro-serbe – këtu luajnë me Luftën dhe Paqen, përcjell foldrejt.com.
STANDARD: Ka edhe politikanë shqiptarë në Shqipëri, që mbështesin ndryshimin e kufijve në baza etnike?
Berisha: Edi Rama e mbështet këtë. Klika e vjetër komunistëve e Shqipërisë e sheh Kosovën si një mundësi që mund ta përdorin për interesa të lojërave të tyre. Por ka edhe një drejtim tjetër, që e respektojnë Kosovën. Unë jam rritur me idenë për të bashkuar Kombin, bile që Kosova të jetë pjesë e Shqipërisë. Por në 1991 kuptova që në Kosovë është zhvilluar një realitet tjetër dhe atëherë mbështeta idenë e tyre – pavarësinë e Kosovës. Për këtë me Beogradin nuk kam negociar asnjëherë mbi Kosovën – pa marrë parasysh sesa insistuan -, sepse unë thoja: Kosova ka përfaqësuesit e saj. Por Rama është shkolla e vjetër. Ai është i kënaqur që të prezantohet si i rëndësishëm. Unë kam lexuar, që Carl Bildt – dhe unë i besoj atij – që Rama nuk është kundër idesë së ndarjes dhe kësaj marrëveshje. Rama e kundërshtoi këtë. Megjithatë ai nuk thotë as Jo dhe as Po rreth kësaj ideje. Kjo tregon se ai mendon po. Por Rama nuk ka mbështetje për këtë te partia e tij dhe në Shqipëri. Tani ai nuk mund të dalë hapur, edhepse ka shumë informacione të brendshme, që ai llogaritet si ndër iniciatorët kryesorë të projektit.
Berisha më tej thekson se George Soros mund të jetë pjesë e këtij projekti dhe jo më kot djali i tij Alexander gjatë kësaj vere udhëtoi treherë nga Prishtina në Tiranë, më pas nga Tirana drejt Beogradit dhë në fund nga Beogradi drejt Prishtinës. Sipas Berishës, amerikanët reaguan me respektimin e kufijve të rajonit, pavarësisht se disa europianë ndryshimin e kufijve e shihnin si një përpjeke për “zgjidhje më të lehtë”. Tashmë më shumë unë nuk di, thotë Berisha.
STANDARD: Çfarë do ndodhte nëse kufijtë do ndryshoheshin në baza etnikë? Si do reagonin shqiptarët në Malin e Zi, Maqedoni dhe Greqi?
Berisha: Do ishte një inkurajim i madh për të tjerët kudo që të kërkonin ndryshimin e kufijve. Të gjitha konfliktet dhe luftërat në Ballkan në 100 vitet e fundit kanë ndodhur në bazë të idesë së ndryshimit të kufijve.
STANDARD: Ideja e ndryshimit të kufijve është e kundërta e asaj që kërkoi BE në 1991 mbi Ballkanin. Çfarë po ndodh me Ballkanin, nëse përfaqësuesit e BE fillojnë të mbështesin këto ideja, të cilat më parë mbështetëshin vetëm nga nacionalistët në Ballkan?
Berisha: Tani është e ideja e kundërt, që po tentojë BE. Ajo angazhohet për shtete etnikisht të pastra dhe thotë, që shtetet multietnike ose shtetet me minoritete nuk funksionojnë. Kjo na sjell në një kohë shumë të vjetër.
STANDARD: A ka ardhur kjo ide për shkak të rritjes së forcave nacionaliste në gjithë Europën dhe SHBA?
Berisha: Natyrisht. Për të anëtarësuar Serbinë në BE -ata mbështesin Vucic. Dhe Vucic është totalisht dhe krejtësisht për Serbinë e madhe, shumë më tepër sesa integrimi në BE. (Adelheid Wölfl aus Tirana, 12.12.2018)/Foldrejt.com
