Nga bulevardi para Kryeministrisë, kreu i demokratëve, Sali Berisha u shpreh se sot të gjithë janë bashkuar me frontin e shpëtimit të Shqipërisë.
Ai tha se ashtu si 32 vite më parë kur diktatori i fundit kishte në dorë të gjitha pushtetet, sot pasardhësi i tyre Edi Rama ia mbathi me gjithë se ka të gjitha pushtetet.
“Sot të gjithë jeni bashkuar me frontin e shpëtimit të Shqipërisë, zoti ju bekoftë ju dhe familjet tuaja. Mirënjohje për ju që jeni bërë një burim drite dhe shprese për mbarë shqiptarët, sonte më shumë se kurrë. Ju erdhët nga të katër anët në këtë bulevard sepse jeni ju thirri ora e lirisë këtu dhe e Shqipërisë. Shqipëria në rrezik ishte kushtrimi që ju ngriti ju në këmbë për ta shpëtuar atë. Ju nuk pranoni më që qytetarët shqiptarë të jenë qytetarë të dhunuar. 32 vite më parë kur ne themeluam partinë e parë opozitare, diktatori i fundit kishte në dorë të gjitha pushtetet, sot pasardhësi i tyre Edi Rama ia mbathi me gjithë se ka të gjitha pushtetet, ai ka vendosur monizmin e plotë. Koha e tij është e numëruar”, ka thënë Berisha./oranews
