Gjashtë avokatë të rinj të shtetit nga Shkupi dhe Kumanova, prej nesër do të nisin punën në Avokaturën Shtetërore. Sot ata nënshkruan vendimet e punës dhe bënë betimin për të punuar vetëm për interesin e Maqedonisë.
FEHMI STAFA, AVOKAT I SHTETIT
“Jam i lumtur t’i mirëpres kolegët e rinj. Shpresoj se avokatura shtetërore do të përmbushë misionin për të mbrojtur interesin e shtetit. Avokatët dhanë betimin se do t’i përmbushin detyrat në pajtueshmëri me ligjin dhe kushtetutën. Besoj se me këtë përforcim të ri, Avokatura shtetërore do të rrisë kapacitetin për zgjidhjen e kontesteve prej të cilave ka edhe raste të vjetra sa edhe vetë institucioni”
Pesë prej avokatëve të ri të shtetit janë nga Shkupit, dy prej tyre shqiptarë, ndërsa një prej avokatëve është nga Kumanova.
LINDITA ZYMBERI, AVOKATE SHTETËRORE
“Avokatura shtetërore i mbron të drejtat dhe interesat pronësore të shtetit, në gjykatat vendore dhe jashtë. Pas shumë vitesh në avokaturën e shtetit janë zgjedhur edhe tre shqiptarë. Ndjehem krenare por edhe me përgjegjësi të madhe që e kam këtë detyrë”
SIMONA ZORIQ RISTOVA
“Qeveria zgjodhi gjashtë avokatë të shtetit, dhe sot ne bëmë betimin para Avokatit të Shtetit Fehmi Stafa. Bëmë betimin që do të punojmë në interes të shtetit, sipas ligjit dhe Kushetetutës. Do të punojmë për interesin pronësor të Maqedonisë, dhe për ta ruajtur imazhin e këtij institucioni, në mënyrë që tia sigurojmë vendin e merituar në sistemin juridik të shtetit”
Deri më tani në rajonin e Shkupit kanë vepruar 10 avokatë të shtetit. Ndërsa, tani janë shtuar plus dy avokatë, vende këto që janë rezervuar për dy shqiptar. Kështu tani në nivel të Shkupit, do të veprojnë tre avokatë shqiptarë të shtetit. Në nivel shtetëror, Avokati i Shtetit ka të angazhuar 35 avokatë. Ferikan Iljazi Arifi /SHENJA/
