Historiani Nuri Bexheti ka folur në lidhje me veprimet e fundit e Rusisë, duke thënë se Amerika në vitet e fundit nuk është marrë me politikën agresive të Rusisë.
Bexheti theksoi se Perëndimi është zënë i papërgatitur.
“Rusia është në kërkim të vetvetes, ajo nuk e fal gabimin që i ka ndodhur për shkak të kolapsimit ideologjik dhe ekonomik të vitit 1989 dhe 90. Ukraina parë në perspektiven ruse është porta për në Evropë, dhe shumica e vendeve anëtare që kufizohen me NATO-n, kufizohen me Ukrainën, dhe Rusia nuk ka për të humbur. Unë nuk besoj që kjo elitë ruse me një president të fortë, ai për shumë arsye dhe për të mbajtur pushtetin e dorës së fortë në Rusi nuk e kursen perëndimin sepse Perëndimi është zënë i papërgatitur dhe i thotë po të doni bëjmë luftë, po të doni merremi vesh”, u shpreh Bexheti në Infomagazine.
“Deri para 10 vitesh ne mund të themi se të vetmit rival të rusëve kanë qenë amerikanët, edhe presidentët rus kanë preferuar me presidentët amerikanë të bëjnë marrëveshje gojore, jo traktate, por marrëveshje, dhe shihet se diçka nuk ka funksionuar. Presidentët e fundit amerikanë janë s’po them nën nivel të detyrës, por janë duke mbrojtur atë frymë liberale, po kujdesen për demokracinë, të drejtat e njeriut ligjet universale, telashet brenda sociale, dhe nuk janë marrë me politikën agresive të Rusisë, ata kujtojnë se Rusia është e viteve 1989-90, gabim e kanë”.
