Presidenti amerikan Joe Biden dhe udhëheqësi francez Emmanuel Macron kanë deklaruar se nuk do të heqin dorë nga mbështetja për luftën e Ukrainës kundër Rusisë dhe u zotuan të mbajnë Moskën përgjegjëse për krimet e luftës, shkruan Al Jazeera, transmeton Fol Drejt.
Të dy riafirmuan “mbështetjen për mbrojtjen e Ukrainës të sovranitetit dhe integritetit të saj territorial, duke përfshirë ofrimin e ndihmës politike, të sigurisë, humanitare dhe ekonomike për Ukrainën për aq kohë sa duhet”, thanë ata në një deklaratë.
“Ata gjithashtu përsërisin vendosmërinë e tyre të palëkundur për të kërkuar llogari nga Rusia për mizoritë dhe krimet e luftës të dokumentuara gjerësisht”, shtohet në deklaratë./FolDrejt/
