Biden dhe Xi Jinping biseduan për dy orë, por “gjembi” i Tajvanit mbetet

Presidenti amerikan Joe Biden dhe homologu i tij kinez Xi Jinping patën një telefonatë që zgjati më shumë se dy orë të enjten, gjatë së cilës ata diskutuan tensionin në rritje midis dy vendeve dhe dallimet e tyre tregtare, shkruan protothema, transmeton Fol Drejt.

Biseda mes dy liderëve “përfundoi në orën 10:50 (me orën e Uashingtonit, 5:50 pasdite në Greqi)”, thuhet në deklaratën e Shtëpisë së Bardhë. Telefonata kishte nisur 2 orë e 17 minuta më parë , në orën 08:33 (me orën e Uashingtonit, 15:33 në Greqi), sipas të njëjtit burim.

Pavarësisht telekonferencave relativisht të shpeshta, tensioni midis Pekinit dhe Uashingtonit po bëhet gjithnjë e më i vështirë për t’u fshehur . Pika e fundit e fërkimit është udhëtimi i mundshëm i Kryetares së Dhomës së Përfaqësuesve Nancy Pelosi në Tajvan, për të cilin Pekini ka shprehur pakënaqësinë e tij.

Kina e konsideron ishullin si një nga provincat e saj historike, të cilën ende nuk e ka ribashkuar me pjesën tjetër të vendit. Zyrtarët amerikanë kanë frikë se Pekini po shqyrton një pushtim ushtarak të Tajvanit për të vendosur kontrollin e tij./FolDrejt/