Presidenti i Shteteve të Bashkuara Joe Biden ka nënvizuar mbështetjen e tij për “status quo”-në ligjore të kompleksit të Xhamisë Al-Aksa të Jerusalemit në një takim në Shtëpinë e Bardhë me Mbretin e Jordanisë Abdullah II, shkruan Al Jazeera, përcjell Fol Drejt.
Në një drekë private me mbretin dhe Princin e Kurorës Husein të enjten, Biden iu referua tensioneve në rritje rreth zonës – të nderuara si nga muslimanët ashtu edhe hebrenjtë në Jerusalemin Lindor të pushtuar nga Izraeli – dhe ripohoi “nevojen kritike për të ruajtur status quo-në historike”.
Sipas një marrëveshjeje të gjatë, jomuslimanët mund ta vizitojnë vendin në kohë të caktuara, por nuk lejohen të luten atje. Jordani u njoh si kujdestari i kompleksit, të cilit hebrenjtë i referohen si Mali i Tempullit.
Vitet e fundit, një numër në rritje hebrenjsh, shumica e të cilëve nacionalistë izraelitë, janë lutur fshehurazi aty, duke zemëruar palestinezët.
Kjo ka ndodhur përkundër një kufizimi të zakonshëm hebre për lutjen hebraike në kompleks.
Në janar, ministri i sigurisë kombëtare në qeverinë e re të ekstremit të djathtë të Izraelit, Itamar Ben-Gvir, hyri në kompleks, duke ndezur një lumë dënimesh ndërkombëtare, me palestinezët të frikësuar nga çdo ndryshim në statusin afatgjatë të një vendi që ata e konsiderojnë si simbol kombëtar. /FolDrejt/
