Presidenti i SHBA-së, Joe Biden, tha të hënën se është koha që të gjithë amerikanët të ngrenë zërin sepse është “sulmuar diversiteti”, pasi një i bardhë qëlloi për vdekje tre persona me ngjyrë gjatë fundjavës në një dyqan në Florida, raporton Anadolu, transmeton Fol Drejt.
“Tani është koha që të gjithë amerikanët të ngrenë zërin kur historia po fshihet, librat po ndalohen. A keni menduar ndonjëherë se do ta bënim këtë bisedë këtu, në këtë kohë?” tha Biden në Shtëpinë e Bardhë, teksa i drejtohej një pritjeje për në shënimin e 60-vjetorit të themelimit të Komitetit të Avokatëve për të Drejtat Civile sipas Ligjit, një organizatë për të drejtat civile e themeluar në vitin 1963 me kërkesë të Presidentit John F. Kennedy.
“Diversiteti është sulmuar. Siç thashë më herët, ne jemi një nga vendet më diversitetin më të madh në historinë e botës. Diversiteti është një forcë e kombit tonë, një gur themeli i demokracisë sonë”, tha Biden.
Ai u bëri thirrje njerëzve që “të mbrojnë këtë të vërtetë thelbësore”. “Urrejtja nuk do të mbizotërojë në Amerikë. Urrejtja nuk vdes kurrë, ajo thjesht fshihet. Ajo fshihet nën gurë. Heshtja është bashkëpunim. Dhe ne nuk do të heshtim”, tha ai.
Deklaratat e Biden erdhën pasi tre persona me ngjyrë u qëlluan për vdekje të shtunën në dyqanin Dollar General në Kings Road në Jacksonville të Floridas nga një i bardhë i maskuar në një sulm me motive raciste, sipas zyrtarëve lokalë.
Sulmuesi përdori një pushkë të modelit AR të zbukuruar me svastika, simbolit të urrejtjes që nga Lufta e Dytë Botërore, i cili lidhet me Holokaustin dhe krimet e kryera veçanërisht kundër popullit hebre, thanë zyrtarët për sulmin, i cili ndodhi në një lagje të mbizotëruar nga afrikano-amerikanët.
Personi i armatosur, i cili më vonë vrau veten, la shkrime raciste që “urrente njerëzit me ngjyrë”. Sherifi i Jacksonville T.K. Waters gjatë një konferencë shtypi, e quajti sulmin të “motivuar nga racizmi”.
