Presidenti i ShBA Joe Biden tha të premten se ai ka udhëzuar ushtrinë dhe komunitetin e inteligjencës që të ndërmarrin hapa për të “siguruar më tej dhe kufizuar shpërndarjen e informacionit të ndjeshëm”, shkruan Anadolu Agency, përcjell Fol Drejt.
Komentet e Biden erdhën pasi një i dyshuar, 21-vjeçari Jack Teixeira, u arrestua për zbulimin e dokumenteve të klasifikuara të Pentagonit, të cilat u qarkulluan në internet dhe u raportuan publikisht nga mediat.
“Përgëzoj veprimin e shpejtë të ndërmarrë nga forcat e rendit për të hetuar dhe për t’iu përgjigjur shpërndarjes së fundit të dokumenteve të klasifikuara të qeverisë amerikane”, tha Biden në një deklaratë.
“Ndërsa ne jemi ende duke përcaktuar vlefshmërinë e atyre dokumenteve, unë kam udhëzuar komunitetin tonë ushtarak dhe të inteligjencës që të ndërmarrë hapa për të siguruar dhe kufizuar më tej shpërndarjen e informacionit të ndjeshëm dhe ekipi ynë i sigurisë kombëtare po koordinon ngushtë me partnerët dhe aleatët tanë”, shtoi ai.
Shumë nga dokumentet datojnë në muajin mars dhe kanë të bëjnë me luftën në Ukrainë, duke përfshirë forcën dhe nivelin e viktimave për ushtritë e Kievit dhe Moskës. Të tjerë paraqesin një pamje të tmerrshme të niveleve të municioneve të Ukrainës përpara një kundër-ofensivë të pritshme për të frenuar më tej pushtimin rus.
Ai zbuloi gjithashtu informacione që tregojnë se ShBA ka spiunuar si kundërshtarët ashtu edhe aleatët, duke përfshirë Iranin dhe Korenë e Veriut, si dhe Britaninë, Kanadanë, Korenë e Jugut dhe Izraelin. /FolDrejt/
