Presidenti turk Rexhep Tajip Erdogan i ka thënë presidentit rus Vladimir Putin se është i sigurt se mund të krijohet një bashkëpunim i orientuar drejt zgjidhjes në lidhje me marrëveshjen e eksportit të grurit.
Sipas presidencës turke, Erdogan foli me Putinin dhe i tha se Ankaraja po bën përpjekje me të gjitha palët për të zgjidhur problemet në lidhje me zbatimin e marrëveshjes së eksportit të grurit, e cila u ndërmjetësua nga Turqia dhe Kombet e Bashkuara në korrik.
Rusia tha të shtunën se po pezullonte pjesëmarrjen në marrëveshjen që lejonte eksportet e grurit të Ukrainës të rifillonin pasi ishin bllokuar nga lufta.
Më herët u njoftua se Erdogan do të bisedonte me homologun e tij rus dhe atë ukrainas për marrëveshjen e grurit, e cila u nënshkrua në korrik dhe zhbllokoi eksportet e grurit ukrainas që kishte mbetur brenda vendit për shkak të luftës./FolDrejt/
