Bislimi takohet me Sekretarin e Shtetit për Punë të Jashtme të Suedisë, Jan Knutsson, diskutojnë për të ardhmen evropiane të Kosovës

Zyra e Kryeministrit ka njoftuar se gjatë qëndrimit të tij në Suedi, Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, është pritur në takim nga Sekretari i Shtetit për Punë të Jashtme të Suedisë, Jan Knutsson, me të cilin kanë diskutuar për të ardhmen evropiane të Kosovës, shkruan Fol Drejt.

“Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, u prit në takim nga Sekretari i Shtetit për Punë të Jashtme të Suedisë, Jan Knutsson. Në këtë takim u bisedua mbi të ardhmen evropiane të Kosovës dhe arritjet e fundit pozitive për vendin. Liberalizimi i vizave dhe avancimi në fazën e parë të anëtarësimit në Këshillin e Evropës janë hapa normal e të nevojshëm në kuadër të proceseve të Integrimit Evropian.”, shkruan në njoftimin e Zyrës së Kryeministrit.

Zëvendëskryeministri Bislimi ka folur mbi objektivat dhe synimet e radhës, ku puna dhe angazhimi i Kosovës në rrugën drejt Bashkimit Evropian do të vijojë pareshtur.

“Përtej vazhdimit të avancimit deri në anëtarësimin e plotë në Këshillin e Evropës, marrja e pyetësorit dhe më tej e statusit të vendit kandidat vijojnë të mbeten prioritare dhe me vëmendje të veçantë.”, thuhet tutje në komunikatë.

Përveë kësaj, zëvendëskryeministri Bislimi ka theksuar se Kosova është gati për hapat e radhës dhe po e dëshmon këtë përmes sukseseve që vendi po i arrin dhe avancimit të shpejtë në përmbushjen e agjendës evropiane. /FolDrejt/