Një mesazh i diskutueshëm po dërgohet nga Minsku, duke qëndruar fuqishëm në anën e Moskës, e cila ka intensifikuar sulmet me raketa kundër Ukrainës në orët e fundit. ” Ne nuk duam luftë, por mos na provokoni, ” tha ministri bjellorus i mbrojtjes, sipas mediave të vendit të tij.
“Gjithçka që themi është kjo: Mos na provokoni, ne nuk do t’ju shpallim luftë. Ne nuk duam të luftojmë as kundër lituanezëve, as polakëve, veçanërisht ndaj ukrainasve ”, argumentoi Viktor Kerin, shkruan protothema, transmeton Fol Drejt.
Ai paralajmëroi gjithashtu Perëndimin kundër çdo ” lëvizje provokimi “, duke thënë: ” nëse ju nuk doni luftë me ne, atëherë ne nuk duam luftë kundër jush “…
Kujtohet se më herët Alexander Lukashenko ngriti zërin, duke akuzuar Poloninë, Lituaninë dhe Ukrainën për përgatitjen e sulmeve “terroriste” dhe një “kryengritjeje ushtarake” në Bjellorusi, disa orë pasi njoftuan vendosjen e një force sulmi ushtarak “rajonal” së bashku me Moskën.
“Stërvitja në Poloni, Lituani dhe Ukrainë e militantëve, përfshirë radikalët bjellorusë, për të kryer sabotazhe, akte terroriste dhe kryengritje ushtarake në vend, kthehet në një kërcënim të menjëhershëm.” tha ai gjatë një takimi me zyrtarë ushtarakë, duke akuzuar BE dhe SHBA se po përpiqen të “përkeqësojnë situatën”.
Më herët, Lukashenko akuzoi Ukrainën për përgatitjen e një sulmi ndaj Bjellorusisë dhe se, si rezultat, Minsk do të vendoste një forcë të përbashkët sulmi ushtarak të trupave ruse dhe bjelloruse, pa specifikuar se ku do të ndodhte./FolDrejt/
