Analisti Korab Blakaj nëpërmjet një postimi ka kritikuar krerët shqiptarë të cilët kanë rënë në letargji, ndërkohë që bota po armatoset, shkruan Fol Drejt.
Sipas Blakajt vendet e shqiptarëve aktualisht janë në duart e “aksidentalë, miopë”, dhe se nuk janë duke e parë që siguria e vendeve nuk vjen nga njohja e shteteve të tjera, por nga përgatitja dhe armatosja deri në dhëmb.
Ky është postimi i tij i plotë:
“Palestinën e njohin 130 shtete!
Kosovën e njohin 117 shtete !
Ukraina është anëtare e OKB së,
Armenia po ashtu ….
Por, ajo dhe vetëm ajo, kujdesi mbi të cilën tek ne është në duart e politikanëve aksidentalë, miopë, pra – FORCA FIZIKE -, garanton sigurinë e shtetit dhe vazhdimësinë e jetës së një kombi !
Mbrojtja e Atdheut është detyrë mbi detyrat.
E si mund ta mbrojnë atdheun ata të cilët pas 33 , respektivisht 23 vitesh nuk janë në gjendje ta zbukurojnë qiellin tonë me një avion bombardimi , madje me një helikopter ?
Atij trupgjatit mendjeshkurtër andej ia ruan qiellin aviacioni grek, detin marina italiane , këtij filozofit këndej i shijon gjumi në sigurinë e trupave të huaja !
Dhe kanë fytyrë të flasin e të bëjnë politikë e diplomaci titanësh ….
Çdo burrë është i denj për gruan që mban, ashtu si çdo popull meriton politikanët që ka!
