SHBA miraton paketën e re të ndihmës prej 2 miliardë dollarësh për Ukrainën dhe fqinjët e saj – ndihma do të vijë në formën e huasë për të blerë armë nga SHBA.
Kreu i Departamentit Amerikan të Shtetit , Anthony Blinken , bën një vizitë të papritur në Kiev për të diskutuar çështjen e ndihmës ushtarake për Ukrainën . Anthony Blinken pritet të shpallë paketën e re të ndihmës prej 2 miliardë dollarësh të Uashingtonit për Ukrainën dhe fqinjët e saj, shkruan protothema, transmeton Fol Drejt.
Shuma do të jepet në formën e kredisë për të blerë armë amerikane në mes të kundërofensive të nisur nga Kievi që nga java e kaluar.
Paketa e re e ndihmës ushtarake të huaj do të mbulojë Ukrainën dhe 18 vende të tjera në rrezik nga një sulm i ardhshëm rus, tha një zyrtar i Departamentit të Shtetit.
Administrata e Joe Biden po njofton Kongresin amerikan për synimin e saj për të vënë në dispozicion fondet për investime afatgjata, sipas zyrtarit, i cili nuk specifikoi se cilat vende të tjera do të merrnin ndihmë dhe cila pjesë do të shkonte në Ukrainë.
Sipas Departamentit Amerikan të Shtetit, ndihma është si shtesë e paketës 675 milionë dollarësh të ndihmës direkte ushtarake për Ukrainën e shpallur sot nga Sekretari amerikan i Mbrojtjes, Lloyd Austin./FolDrejt/
