Mbetet frika se Moska do të mbyllë rubinetin përsëri në tetor, duke përmendur nevojën për punë mirëmbajtjeje.
Rusia duket e gatshme të rifillojë furnizimet me gaz përmes tubacionit të saj kryesor drejt Evropës, një lehtësim për tregjet edhe pse frika për më shumë ndërprerje këtë dimër mbetet, shkruan protothema, transmeton Fol Drejt.
Sipas Bloomberg , të dhënat e disponueshme tregojnë se “flukset do të vazhdojnë të shtunën në 20% të kapacitetit , siç ishte planifikuar”. Megjithatë, politikanët në Evropë ende kanë frikë se kur Rusia mbyll gazsjellësin Nord Stream për atë që e përshkruan si “mirëmbajtje të nevojshme” , ai mund të mos rifillojë, thekson rrjeti.
Kontratat e së ardhmes evropiane të gazit natyror ranë deri në 9.5% , por zvogëluan disa nga humbjet pasi tregtarët peshuan rrezikun e ndërprerjeve të mëtejshme të tubacionit. Gjermania tashmë ka deklaruar se nuk do të llogarisë në Nord Stream gjatë dimrit. Gazprom thotë se turbina e vetme funksionale në pikën hyrëse të lidhjes duhet t’i nënshtrohet mirëmbajtjes teknike çdo 1000 orë. Kjo korrespondon me afërsisht 42 ditë, me kontrollet e radhës që priten në mes të tetorit, vëren Bloomberg.
Në Evropë po rriten pritshmëritë që këto flukse do të përdoren vazhdimisht gjatë muajve të ftohtë për të mbajtur tregjet vigjilente dhe si një mënyrë për të presionuar Evropën mbi sanksionet që ka vendosur ndaj Rusisë pas luftës në Ukrainë.
Urdhrat e transferimit, të publikuara nga operatori i tubacionit, thonë se flukset pritet të rifillojnë nga ora 2 e mëngjesit. Ora e Berlinit të shtunën në një të pestën e kapacitetit normal, në të njëjtin nivel si përpara punës së mirëmbajtjes.
Kujtohet se Gazprom reduktoi furnizimet përmes Nord Stream në korrik, menjëherë pas mirëmbajtjes sezonale të gazsjellësit, duke përmendur probleme teknike. Flukset u ndërprenë të mërkurën për kontrollet në turbinën e vetme që funksionon që ndihmon në pompimin e gazit në tubacion. Normalisht, përdoren gjashtë turbina të mëdha dhe dy më të vogla, por këtë verë shumica e pajisjeve u hoqën nga shërbimi me Gazprom duke përmendur sanksionet ndërkombëtare që ndaluan mirëmbajtjen dhe riparimet./FolDrejt/
