Rusia po akuzohet se po i përdor armët termobarike, të njohura edhe si bomba me vakum, për pushtimin e Ukrainës.
Ato kanë një ndikim të tmerrshëm te ata që janë pranë rrezes së tyre të shpërthimit.
Si funksionon një bombë termobarike?
Një bombë vakum, e quajtur gjithashtu një bombë termobarike, përbëhet nga një zgavër karburanti me dy ngarkesa të veçanta shpërthyese.
Ajo mund të lëshohet si një raketë ose të hidhet si një bombë nga avioni. Kur godet objektivin e saj, ngarkesa e parë shpërthyese hap kontejnerin dhe shpërndan gjerësisht përzierjen e karburantit si një re.
Kjo re mund të depërtojë në çdo hapësirë në godina ose tek ato që nuk janë plotësisht të mbyllura. Arma mund të shkatërrojë ndërtesa të përforcuara, pajisje dhe të vrasë ose plagosë njerëz.
Kur shpërthejnë, përveç se djegin gjithçka, ato shkulin e organet e ushtarëve nga vendi nëse ndodhen pranë rrezes.
Efektet e kësaj arme janë më të rënda në hapësirat e mbyllura.
Në vitin 2007, Rusia testoi armën e saj më të madhe termobarike, të ashtuquajturin “Babai i të gjitha bombave”. Me anë të saj ajo krijoi një shpërthim të barabartë me një bombë konvencionale 44 tonëshe.
A po përdoren në Ukrainë?
Oksana Markarova, ka akuzuar Rusinë se ka thënë se po. Ajo i ka akuzuar rusët se kanë përdorur një bombë me vakum gjatë pushtimit të saj.
Megjithatë, nuk ka pasur një konfirmim zyrtar të këtij pretendimi.
Gjatë ditëve të fundit janë raportuar edhe foto të raketave termobarike në Ukrainë.
A janë përdorur më parë?
Municionet termobarike mund të gjurmohen që nga Lufta e Dytë Botërore, kur ato u përdorën fillimisht nga ushtria gjermane. Ato nuk u zhvilluan gjerësisht deri në vitet 1960, kur SHBA i përdori në Vietnam.
SHBA-të i përdorën gjithashtu në vitin 2001 për të shkatërruar forcat e Al-Kaedës të fshehura në shpellat e maleve Tora Bora të Afganistanit.
Rusia i përdori ato në luftën e saj në Çeçeni në vitin 1999 dhe u dënua nga Human Rights Ëatch për këtë.
Armët termobarike të prodhuara ruse thuhet se janë përdorur në luftën civile siriane nga regjimi i Bashar al-Asad./FolDrejt/
