Giacomo Bonaventura do të largohet në fund të sezonit nga Milani dhe pritet të firmosë për Romën si lojtar i lirë. Sipas asaj që raportojnë mediat në Itali, mesfushori ka gjetur marrëveshjen me verdhekuqtë dhe do të firmosë një kontratë 3-vjeçare me një pagë prej 2.5 milionë eurosh në sezon.
30-vjeçari ka pasur shumë pak hapësira gjatë këtij sezoni me Milanin dhe kjo ishte arsyeja kryesore e largimit. Bonaventura mbërriti në “San Siro” në vitin 2014, kur u mor për 7 milionë euro nga Atalanta. Me fanellën kuqezi, italiani u aktivizua në 171 ndeshje, ku shënoi 34 gola dhe dhuroi 24 asist.
