Ish-kryeministri britanik Boris Johnson ka dhënë dorëheqjen si anëtar i parlamentit, në mes të procedimeve kundër tij nga Komiteti i Privilegjeve Parlamentare, i cili pretendon se Johnson ftoi mysafirë në kopshtin e Downing Street në maj 2022, kur Britania futi masat e bllokimit.
“Është shumë e trishtueshme që po largohem nga parlamenti – të paktën tani për tani. Një grusht njerëzish po përpiqeshin të më largonin mua, pa asnjë provë për të mbështetur pretendimet e tyre, dhe pa miratimin e anëtarëve të Partisë Konservatore, e lëre më elektoratit më të gjerë”, tha Johnson.
Komiteti i Privilegjeve Parlamentare mund të rekomandojë që Johnson të pezullohet nga parlamenti për më shumë se 10 ditë nëse zbulojnë se ai ka mashtruar në mënyrë të pamatur ose qëllimisht parlamentin, duke shkaktuar potencialisht një zgjedhje për vendin e tij, raporton Reuters, përcjell Fol Drejt.
