Shefi i politikës së jashtme të Bashkimit Evropian tha të martën se blloku do të dërgojë armë vdekjeprurëse në vende të tjera përveç Ukrainës, të cilat janë “gjithnjë e më shumë të interesuara për mbështetje me armë vdekjeprurëse”, raporton Anadolu Agency, përcjell Fol Drejt.
Duke folur në Forumin e Sigurisë dhe Mbrojtjes “Schuman” në Bruksel, Josep Borrell tha se përgjigja e Evropës ndaj luftës në Ukrainë ka ndryshuar mënyrën se si “ne — në Evropë — e konsiderojmë axhendën tonë të sigurisë dhe mbrojtjes”.
Në të njëjtën kohë, ai tha se ka ndryshuar gjithashtu mënyrën se si “ju – partnerët tanë – e konsideroni axhendën tonë” dhe mundësitë që ajo mund të ofrojë.
Duke treguar për Fondin Evropian të Paqes (EPF), Borrell nënvizoi se nuk ka dyshim se ka qenë një instrument vendimtar për t’iu përgjigjur luftës së Rusisë në Ukrainë.
“Por edhe një herë, nuk ka të bëjë vetëm me Ukrainën. EPF është një instrument global. Ajo na ka mundësuar të mbështesim operacionet e paqes afrikane – nga Somalia në Mozambik, nga Liqeni Çad në rajonin e Sahelit – si dhe partnerë individualë nga Gjeorgjia dhe Moldavia në Niger, nga Bosnja dhe Hercegovina në Liban dhe Jordani”, shtoi ai.
Ai më tej tha se BE-ja do të vazhdojë ta bëjë këtë.
“Ne e dimë se partnerët tanë janë gjithnjë e më të interesuar për mbështetje me armë vdekjeprurëse. Po, ajo që kemi bërë për Ukrainën mund dhe do të bëhet për të tjerët.”
Ai pohoi se masa e parë e ndihmës për të siguruar “pajisje vdekjeprurëse për partnerët afrikanë” Nigeri dhe Somalia do të miratohet së shpejti.
“Po, lufta në Ukrainë ka testuar soliditetin e marrëdhënieve midis Bashkimit Evropian dhe NATO-s. Dhe rezultati është i qartë: bashkëpunimi ynë është më i fortë se kurrë,” vuri në dukje Borrell. /FolDrejt/
