Josep Borrell ka thënë se situata në veri të Kosovës duhet të depërshkallëzohet menjëherë, shkruan Fol Drejt.
Shefi i Diplomacisë Evropiane nëpërmjet një reagimi në Twitter, ka thënë se është e nevojshme që palët t’i kthehen dialogut:
“Takova kryeministrin Albin Kurti në Bratislavë për të diskutuar për tensionet në veri të Kosovës . Situata aktuale është e rrezikshme dhe e paqëndrueshme. Ne kemi nevojë për de-përshkallëzimin urgjent dhe një zgjidhje përmes Dialogut për t’iu rikthyer punës sonë për zbatimin e Marrëveshjes së arritur”, ka shkruar pas takimit që e realizoi me Kryeministrin Albin Kurti, e ku prezent ishte edhe përfaqësuesi tjetër i BE-së Miroslav Lajçak.
Met Prime Minister @albinkurti in Bratislava to discuss the tensions in the north of #Kosovo.
The current situation is dangerous and unsustainable.
We need urgent de-escalation and a solution through the Dialogue to return to our work on implementing the Agreement reached. pic.twitter.com/cOhKtEothA
— Josep Borrell Fontelles (@JosepBorrellF) May 31, 2023
Kryeministri i Kosovës, Albin Kurti, i mbrojti sërish veprimet e Policisë së Kosovës, e cila ndihmoi instalimin e kryetarëve të rinj shqiptarë në komunat me shumicë serbe në veri të Kosovës, përkundër rezistencës së banorëve lokalë.
Kurti tha në Bratisllavë se Borrellit dhe Lajçakut u ka bërë të qartë se do të kishte mirëkuptim nëse protestat e serbëve në veri do të ishin paqësore. “Te grupe kriminale nuk mund ta dorëzojmë demokracinë tonë”, ka thënë Kurti.
Ua kujtojmë se edhe sot është duke vazhduar protesta e serbëve në veri, deri më tani nuk ka raportime për incidente./FolDrejt/
