Se shtetet kanë borxhe të mëdha, kjo tashmë është e njohur përkundër ligjeve europiane që ata të mos tejkalojnë 60 përqindëshin e Prodhimeve të Brendshme Bruto. Por politika e borxheve është e rënduar edhe te komunat e Maqedonisë, ku në krye të listave rënditen edhe komunat shqiptare, shkruan foldrejt.com.
Sipas një analize që ka kryer profesori universitar Izet Zeqiri “Top 1 me borxhe të papaguara është Komuna e Ohrit me 17.790.000 euro e pasuar nga Tetova me 14.940.000 mijë euro. Komuna e 81 apo e fundit është ajo e Valandovës me 2700 euro.”
Në këtë listë Top 15 rënditen edhe Gostivari, Dibra, Vraçishti, Çairi, Kërçova dhe Struga.
“Shtrohet pyetja si u krijuan këto borxhe të komunave vetëm për arsim, kulturë dhe mbrojtjen sociale të fëmijëve? Çfarë kanë bërë këto komuna për cilësinë e arsimit, kulturën dhe mbrojtjen sociale të fëmijëve, ku nuk kemi përmirësim të cilësisë së arsimit, avancimin e kulturës dhe mbrojtjen sociale më të mirë të fëmijëve por përkundër kemi dekadencë,” shkruan me të drejtë Izet Zeqiri.
Është mirë shërbimet e këtyre komunave ti paraqesin në mënyrë publike para qytetarëve punët e bëra me të cilat kanë krijuar këto borxhe, ashtu siç i kanë paraqitur në Ministrin e Financave për shlyerjen e tyre ose Ministria Financave ti bënë publike këto borxhe në emër të transparencës së shfrytëzimit të mjeteve publike të qytetarëve.
Fondet i ndahen komunave në mënyrë individuale në shumën prej 51% të shumave të përcaktuara në bazë të ligjit.
Shuma totale e fondeve të ofruara si mbështetje financiare për financimin e detyrimeve të pashlyera dhe të papaguara për komunat dhe njësitë shpenzuese është 3.032.383.086 denar.
