Mbretëria e Bashkuar ka dorëzuar më shumë se 1000 detektorë metali VALLON dhe 100 komplete të deaktivizimit së bombave në Ukrainë, si pjesë e asistencës që synon pastrimin e fushave të minuara, shtëpive të civilëve dhe infrastrukturës në territoret e çliruara, transmeton Ukrinform, përcjell Fol Drejt.
“Përdorimi i minave tokësore nga Rusia dhe shënjestrimi i infrastrukturës civile nënvizojnë mizorinë tronditëse të pushtimit të Putinit. Kjo paketë e fundit e mbështetjes së Mbretërisë së Bashkuar do të ndihmojë Ukrainën të pastrojë në mënyrë të sigurt tokën dhe ndërtesat ndërsa rimerr territorin e saj të ligjshëm”, tha ministri britanik i Mbrojtjes Ben Wallace.
VALLON mund të ndihmojë trupat të detektojnë fushat e minuara dhe të pastrojnë rrugët dhe shtigjet.
Mund të ndihmojë gjithashtu që të sigurohet që infrastruktura civile dhe shtëpitë të jenë të pastra nga rreziqet shpërthyese, duke i lejuar njerëzit të kthehen të sigurt në shtëpitë e tyre.
“Kompletet e deaktivizimit stë bombave, ndërkohë, janë projektuar për të deaktivizuar siguresën nga bombat e pashpërthyera ruse, municionet dhe pajisjet shpërthyese të improvizuara. Kjo pajisje kundër eksplozive është disa nga më të fundit në një gamë të gjerë pajisjesh që Mbretëria e Bashkuar i ka dhuruar Ukrainës për të mbështetur luftën e saj kundër pushtimit ilegal të Rusisë”, thuhet në deklaratë.
Qeveria britanike thekson se mbështetja për Ukrainën do të vazhdojë vitin e ardhshëm.
Siç raportohet, Britania e Madhe i dërgoi Ukrainës mbi 900 gjeneratorë të energjisë dhe u siguroi forcave të armatosura të vendit afërsisht 15,000 komplete pajisjesh kundë të ftohtit ekstrem. /FolDrejt/
