Britanikët duket që nuk janë sinkronizuar me amerikanët dhe evropianët për sa u përket zhvillimeve të fundit në veri të Kosovës, shkruan Fol Drejt.
Sipas një artikulli të publikuar në “The Guardian”, zyrtarët britanikë “kanë shprehur shqetësimin e tyre që Shtetet e Bashkuara të Amerikës dhe Bashkimi Evropian, po e kërcënojnë një aleat me ndëshkim për shkak të mënyrës se si e ka trajtuar zhvillimet e fundit në veri.”
Sipas tyre, ndaj Kosovës është aplikuar një standard i gabuar, duke qenë se prapa kaosit ndodhen vetë serbët.
“Kryeministri i Kosovës, Albin Kurti, ka thënë se është i përgatitur të marrë në konsideratë zgjedhjet e parakohshme në veri të Kosovës me shumicë serbe, pasi disa burime britanike shprehën shqetësimin se SHBA dhe BE po bëjnë një gabim duke kërcënuar aleatin e tyre me ndëshkim për shkak të trajtimit të përplasjeve të dhunshme nga ana e Kurtit”, shkruan mediumi britanik.
“BE-ja u përpoq ta impononte këtë si pjesë e një marrëveshjeje prej 11 pikash në bisedimet në Ohër në Maqedoninë e Veriut në mars, por asnjëra palë nuk e nënshkroi marrëveshjen. BE-ja argumentoi se marrëveshja, duke përfshirë klauzolat e vitit 2013 që siguronin njohjen e nënkuptuar de fakto të Kosovës nga Serbia, përmbushi kërkesën kryesore të Kosovës”, shkruan mediumi britanik.
Ua kujtojmë se britanikët kanë qenë kritik ndaj mënyrës se si Kosovës i është imponuar dialogu me Serbinë, në qendër të së cilit është Asociacioni.
The Guardian i referohet Kryetarës së Komisionit për Punë të jashtme të Mbretërisë së Bashkuar, Alicia Kearns e cila ka paralajmëruar SHBA-në kundër ndëshkimit joproporcional të Kurtit./FolDrejt/
