Komuna e Podujevës në krye me Shpejtim Bulliqin ka ftuar mbledhje të jashtëzakonshme nga ora 13:00, pas vrasjes së Lulzim Fejzullahut, 18-vjeçarit nga kjo komunë.
Njoftimin e ka bërë vetë komuna, duke thënë se temë diskutimi do të jetë situata e përgjithshme e sigurisë në Podujevë.
“Kryetari i Komunës së Podujevës, z. Shpejtim Bulliqi sot nga ora 13:00 me datë 22 janar 2024 ka thirrur mbledhje të jashtëzakonshme(urgjente) të Këshillit Komunal për Siguri në Bashkësi me temën; Situata e përgjithshme e sigurisë në Komunën e Podujevës”, thuhet në njoftim.
Fejzullahu vdiq të shtunën si pasojë e lëndimeve të marra nga sulmi që iu bë prej dy të dyshuarve të moshës së mitur.
Pamjet e rrahjes qarkulluan nëpër media, ku shihej se njëri nga të dyshuarit e godiste me stupc të bejsbollit në kokë tashmë të ndjerin Fejzullahu.
