Ish Ministri i Punëve të Jashtme, Ditmir Bushati në një intervistë për gazetën austriake “Der Standard” ka theksuar se Bashkimi Europian duhet sa më shpejt ti hap negociatat me Shqipërinë dhe se kjo situatë është “ëin-ëin”, informon foldrejt.com.
Franca dhe Hollanda vijojnë të jenë kundër çdolloj zgjerimi të Bashkimit Europian, por sipas Buashtit, do ishte një sinjal mjaft i keq për vetë BE-në, nëse nuk çel negociatat me Shqipërinë dhe Maqedoninë Veriore.
“Procesi i anëtarësimit në BE është rreze shprese. Por BE konkurron edhe me lojtarë tjerë gjeopolitikë. Nëse katër nga gjashtë vendet e Ballkanit Perëndimor, do ulen në tryezën e bisedimeve me BE, oborri i shtëpisë së BE mund të kthehet në një portë për në BE,” tha Bushati.
Në pyetjen e gazetares nëse Edi Rama ka mbështetur idenë e ndarjes së Kosovës dhe nëse kjo ka dëmtuar procesin e integrimit të Shqipërisë në BE, Bushati tregohet i matur duke thënë se pavarësisht se kërkesat europiane janë të qarta, “në dy vitet e fundit, veçanërisht në vitin e fundit, u hodh ideja e së ashtuquajturës “zgjidhje magjike” nga shekulli i 19-të për zgjidhjen e sfidave të shekullit të 21.”
Më tutje Bushati thekson se është e vështirë të përcaktohet babai i kësaj ideje viteve të fundit, edhepse gazetarja e Der Standard përmend John Boltonin dhe administratën e presidentit amerikan Donald Trump, por ish ministri i jashtëm thotë se “ne e dimë se kjo ide nuk është nga pro-europianët, por nga forcat regresive në Serbi.”
Në pyetjen-koment të Der Standard….
”dhe ti u desht të lëshosh detyrën e ministrit të jashtëm, sepse ishe kundër shkëmbimit të territoreve…”
Bushati ju shmang përgjigjes duke nënkuptuar pohimin, kur tha…
“dhe nuk ka koordinata të qarta mes forcave perëndimore.”
Sipas Bushatit, duhet ti jepet fund harxhimit të energjive të kota për ndonjë shtet të madh (Shqipëria e madhe ose Serbia e madhe), pasi këtë energji duhet ta orientohet për zhvillimin ekonomik dhe social.
Në fund Bushati flet edhe për marrëdhëniet mes Greqisë dhe Shqipërisë, që duhet të marrin një zgjidhje pas zgjedhjeve, kurse BE të mos frikësohet nga perspektiva e Ballkanit Perëndimor, pasi të gjitha sëbashku janë më të vogla sesa Rumania dhe se nuk përbën asnjë rrezik për BE./Foldrejt.com
