Korrupcioni, ndarja e padrejtë e pasurive shtetërore dhe paperspektiva e të rinjve në vendlindjen e tyre ka sjellur emigrimin masiv nga Ballkani drejt Europës perëndimore. Në 11 vitet e fundit janë larguar 336.000 serbe nga vendi, pra mesatarisht rreth njëmijë në javë. Sipas një ankete të verës 2019, 60 përqind e të rinjve boshnjakë duan të largohen nga vendi. Bosnja çdo vit humb gjysmë përqind të popullatës. Vetëm në Gjermani punojnë më shumë se 50.000 ballkanas në sektorin e shëndetësisë, ku shumica janë nga Bosnja, Serbia dhe Kosova, shkruan die-tagespost.de, përcjell foldrejt.com.
Do ishte një iluzion që integrimi europian do sprapste emigrimin. Rumania u anëtarësua në BE në 2007, por deri në 2015 u larguan 14.000 mjekë dhe 35.000 motra medicinale. Nga 1990 numri i popullatës në Rumani është zvogëluar nga 23.5 në 19 milionë banorë. Sipas parashikimeve botërore, vendi në 2060 do ketë vetëm 14 milion banorë.
Trend të ngjashëm tregon edhe Bullgaria, e cila është anëtare prej 2007. Edhe këtu mijëra banorë në javë largohet për të kërkuar fatin në perëndim. Prej largimit të tiranëve komunist përpara tridhjetë vjetësh, Bullgaria është zvogëluar për një të pestën e popullatës. S’është më mirë as Kroacia, e cila dukej ekonomikisht më dinamike sesa Rumania dhe Bullgaria./Foldrejt.com
