Pas përmbushjes së të gjitha kritereve për liberalizim vizash, i cili theksohet si fakt edhe në Raportin e Progresit, mbetet në fuqi propozimi që BE-ja t’i liberalizojë vizat për Kosovën, për çka pritet të diskutohet sot në Komisionin Evropian, shkruan Fol Drejt.
Në Kosovë ka një optimizëm se rexhimi i vizave mund të hiqet shpejt për kosovarët, ndaj presin me shpres se çfarë do të rezultojë sot nga mbledhja e Grupit Punues në KE.
Vetë Kryeministri Albin Kurti është shprehur optimist për çështjen e liberalizimit të vizave dhe ka thënë se qeveria e tij e ka përmirësuar imazhin e Kosovës.
“Para tre muajve janë bërë katër vjet prej se Komisioni Evropian për herë të dytë ka rekomanduar heqjen e regjimit të vizave për qytetarët tanë, për të ja shtuar edhe më tej vlerën Kosovës dhe orientimit të saj është qeveria jonë e cila e ka përmirësuar imazhin e Kosovës, pra edhe ata që kanë qenë skeptik nuk kanë pse të jenë skeptik meqenëse edhe imazhi i Kosovës është përmirësuar dukshëm gjatë vitit 2021-2022. Prandaj edhe jemi optimist dhe nuk besoj që duhet të përgatitemi tash paraprakisht për skenarë negativ dhe nuk besoj që ka as arsye as logjikë e as plane për kushte të reja, kushtet janë kryer, janë ato 95 dhe ne me optimizëm shikojmë përpara”, ka thënë kryeministri./FolDrejt/
