Siguria Europiane ndodhet në krizë. Një pyetje që parashtrohet gjithmonë e më tepër është, se çfarë do ndodhë në rast se ShBA tërhiqet nga NATO?
Në artikullin e Frankfurter Allgemeine Zeitung përmendet një mundësi. Në 2021 janë zgjedhjet amerikane dhe presidenti i rizgjedhur Donald Trump e quan NATO-n projekt të vjetëruar dhe flet për tërheqjen e Amerikës nga aleanca. Të gjithë forcat amerikane dhe mbrojtjet raketore duhet të tërhiqen sa më shpejt të jetë e mundur nga Europa.
Në këto kushte, sipas prognozës së prestigjiozes gjermane, do mblidheshin në takim përfaqësuesit e shteteve të Francës, Gjermanisë, Polonisë dhe Britanisë së Madhe për të diskutuar sigurinë europiane. Ata padyshim që do kritikonin tërheqjen amerikane nga NATO, kurse kjo ngjarje do ndiqej prej një krize në një shtet anëtar të Ballkanit Perëndimor (mendohet Mali i Zi ose Maqedonia e Veriut) dhe në Europën Lindore.
“Me tentimin për puç shteti në ndonjë vend ballkanik, do kishte një sprovë të shpejtë për vendet tjera të NATO për thirrjen në Artikullin 5. Pa garancitë amerikane, besueshmëria e Artikullit 5 është i zbehtë dhe shtetet tjera nuk mund të mbrojnë ushtarakisht një anëtar tjetër – fjala vjen në Ballkanin Perëndimor,” shkruan FAZ, përcjell foldrejt.com.
Më cënimin e Artikullit 5 Europa edhe njëherë do mundohej që përmes kontratave ekonomike me Kinën, Rusinë dhe Iranin të shpëtonte veten. Por Siguria Europiane vendoset në lojë pa Shtetet e Bashkuara./Foldrejt.com
Artikulli 5 parashesh që nëse një shtet anëtar i NATO-s është në luftë, atëherë të gjithë anëtarët tjerë janë në luftë.
