Moti i nxehtë do të na përcjell edhe gjatë fundjavës. Sipas parashikimeve meteorologjike për ditën e sotme temperaturat do të arrijnë mbi 30 gradë Celsius, shkruan Fol Drejt.
Temperaturat më të ulëta do të sillen rreth 13 – 15 gradë Celsius, ndërsa më të lartat nga 29 deri në 30. Do të mbizotërojë një mot i nxehtë, me diell.
“Do të fryjë erë kryesisht nga jugperëndimi, e lehtë deri mesatare. Indeksi UV mbetet i lartë , prandaj apelohet respektimi i këshillave të IKSHP” – ka parashikuar Instituti Hidrometeorologjik i Kosovës (IHK).
Ua kujtojmë që sipas përllogaritjeve të vlerave të temperaturave maksimale, ky do të jetë njëri ndër muajt më të nxehtë në vitet e fundit./FolDrejt/
