Sipas Institutit Hidrometerologjik të Kosovës (IHMK), java e parë e vjeshtës parashihet me kushte të ndryshueshme meteorologjike, shkruan Fol Drejt.
Fillimi i javës parashihet me vranësira të dendura të cilat, gjatë ditës, pritet të sjellin reshje shiu të intensitetit mesatar deri të lartë.
Kushte afërsisht të ngjashme të motit priten edhe ditën e martë, ku pos reshjeve parashihen edhe pak rreze dielli dhe mundësi për shkarkime rrufesh.
Të mërkurën vranësira më të theksuara dhe më pak reshje të cilat nuk do të përfshijnë gjithë territorin.
Të enjten dhe të premten mot më stabil dhe me rritje të lehta të temperaturave në të dy vlerat ekstreme.
Temperaturat minimale do të lëvizin ndërmjet 5-9 gradë Celsius, ndërsa maksimalet e ditës parashihen të lëvizin ndërmjet 16-22 gradë Celsius, do të fryjë erë e lehtë deri mesatare nga drejtimi i perëndimit dhe veriperëndimit./FolDrejt/
